XOG AKHRISO: Khilaafka u Dhaxeeya Gaas iyo Camay ee sii xoogaystay markii Madaxweyne Gaas uu burburiyey go’aankii Camey

(Garoowe.net)

La Wadaag Asxaabta

Madaxda maamulka Puntalnd ayaa u muuqda in uu gaaray viruska siyaasadeed ee ka jira Soomaaliya,waxaana hadda soo baxaya in labada Mas’uul ee ugu sarreysa maamulka Puntland ay ku kala aragti duwanyihiin shirka Kismaayo ee dowlad Goboleedyada Soomaaliya.

Madaxweyne ku xigeenka Maamulka Puntland ayaa horay u sheegay in Shirka Kismaayo uu yahay mid aan u adeegeyn danaha Soomaaliya,waxaana uu intaas ku daray in Puntland aysan ka qeyb galeyn shirka uu Axmed Madoobe uga dhawaaqay Kismaayo.

Khamiistii Golaha Wasiirrada ee Puntland oo uu shir guddoominayay C/Wali Maxamed Cali Gaas,ayaa waxaa ay isku raaceen in ay ka qeyb galaan shirka Kismaayo ee dowlad Goboleedyada ka jira Soomaaliya.

Arrintaas waxaa xigtay in Madaxweynaha Maamulka Puntland uu dib u magaacaabay Taliyaha Booliska Puntland oo uu bishii hore shaqada ka eryay Madaxweyne ku xigeenka Puntland C/Xakiin Cumar Cameey.

Siyaasiyiinta Puntland ayaa dowladda Federaalka ah ku eedeeyay in ay Xildhibaanno Federaalka ah ay u dirtay Puntland islamarkaana ay sababayaan khilaafka ka dhex taagan Madaxda Maamulka Puntland.

Fikradaha Akhristayaasha (0)




.